الوادي

طبعي بدوي .. وان ضيَق الوقت فينـي سجيت رجلي .. موسع الصدر والثوب

أزعـــل وطـنـخـات .. البـداوه تجـينـي أمشي الخطـر .. والعمـر لا بد منهـوب

أطـقــهـا لـطـمـه .. وأعــود حـــزيـنـي لامن عشقت .. وشفت بالعشق عذروب

ايه بـدوي .. والدمـع باطــراف عينـي ابكي رحم .. والخــوف مالي بـه دروب

أستقبـل الضيفـــــان .. وأذبـح سمينـي طبـع (ن) لنـا .. يا هيه والبن مصبـوب

أسـرح مـع نيـاقـي .. وأغنــي هجينـي لا طاب كيفــي .. وأطيب الدر محلـوب

محـروق جلـدي .. والتعب مـا يعنينـي قلبي بياض .. وكـل نطقـي انـا اسلـوب

اصدق مع الصادق .. وابي اللي يبيني وأقسى على الكــــذاب .. لين انـه يتـوب

أحب منهــــــو حـب .. قربـي ويجينـي ومن عافني .. كيفه ولا هـو بمغصـوب

أشتـد بـالـشـده .. وعــرقــي مـتـيــنـي لامـن نخـانـي .. فـاتـن الخــد رعـبــوب

خيلــي اصيلـه .. افخـري وأوصفـينـي تنومسـي يـا بنت .. والمـوت مشـــروب

أسكـر وأخلـي .. القـاسيــه لـي تلينــي لأني بدوي .. والورث من جدي حروب

أنطــح فحـول القــوم .. فعلــي يبينــي واثق خطـا .. ادحــم ولانـــي بشـاذوب

ما اخيَب الهقوات .. ما احـد ايحدينـي أحـدهــم وانـا .. علـى اعـداي لاهــوب

أنا على الطولات .. ما أقصـر يمينـي أتعب لهــا .. والعــز هو خيـر مطلـوب

طبعـي كـذا .. ويـزداد فينــي حنينــي لا طاح ليلي .. وضـوي هناك مشبــوب

هـب الشمــال .. اللـي يبيــح كنينـــي هيَض علي الجرح .. والجرح مرعـوب

طقيتهــا لطمـه .. ودمعــي بيديـنــــي والله يعيـن اللـي .. عـن الخـل محجــوب

من أنا